Биеийн хэлбэрийн эмгэгийн эмчилгээний менежмент явуулахад зөв онош тавих төдийгүй эмч ба өвчтөний хоорондын итгэлцэл, түншлэлийн харилцаа чухал үүрэгтэй. Орчин үеийн холбоо харилцааны стратеги нь бат бөх холбоо тогтоож, эмчилгээний үр дүнд мэдэгдэхүйц нөлөө үзүүлэх боломжийг олгодог.

БХЭ-ийн үед дэх харилцааны ач холбогдол

• Эрүүл мэндийн тогтолцооны зүгээс үл тоомсорлогдож, гадуурхагдаж байгаа мэт мэдрэмж төрөх
• Эмчид болон эмчийн гаргасан оношийн дүгнэлтэд итгэх итгэл буурах
• Амиа хорлох тухай бодол ба оролдлогын эрсдэл нэмэгдэх
• Сэтгэл түгшилт ба сэтгэл гутралын эмгэгтэй хамт илрэх тохиолдол их

Иймээс эмч өвчтөний харилцааны бүх үе шатуудад харилцааны зөв арга барил эзэмшсэн байх нь онцгой чухал байдаг байна.

Онош тогтоох үед өвчтөнтэй харилцах

Өвчтөнтэй эмчилгээний бат бөх харилцаа тогтоох гол хүчин зүйл нь Эмпати буюу өвчтөний мэдрэмжийг ойлгож мэдрэх чадвар юм. Итгэлтэй харилцааг бий болгоход BATHE арга ач тустай байдаг. Энэ нь өвчтөнтэй харилцаж ярилцах техник бөгөөд, түүнд онош тавьж нотлохоос өмнө тулгарч буй асуудлын мөн чанарыг нь асуулт тавих замаар илүү гүнзгий ойлгоход тустай арга юм.

Биеийн хэлбэрийн эмгэгийн оношийг өвчтөнтэй хэлэлцэж ярилцах

Биеийн эмгэгийн онош тогтоосон тохиолдолд, эмч өвчтөнд түүний эмгэгийн онцлог, мөн чанарыг ойлгомжтойгоор тайлбарлаж ойлгуулах ёстой. Өвчтөн эмгэгийнхээ мөн чанарыг ойлгож ухаарснаар цаашдын эмчилгээний үр дүнд шууд эергээр нөлөөлнө. Богино товч зөвлөмжүүд нь өвчтөнтэй ярилцахад ач тустай байж болно.